Şirzad İsmayılov
Qarın əritməyin ən effektiv yolları (elmi əsaslı və 100% nəticə verəcək formada). Bugün sizinlə demək olar ki, hərkəsin yaralı nöqtəsi olan qarın bölgəsində olan yağlardan necə canınızı qurtara biləcəyiniz barədə danışacağıq. Qeyd olunan başlıqlar 100% elmi araşdırmalara əsaslanır və tətbiq ediləcəyi halda qısa zamanda qarın piylərini əritməyiniz barədə sizə effektiv nəticə verəcəkdir. Hazırsınızsa getdik..
Hər birimiz bilirik ki, qarın bölgəsində olan yağlanma hərkəsin bəlalarından biridir. Bəzi insanlar var ki, ayaqları nazik olsa da bel və qarın bölgələrindən daha tez yağlanır. Aşağıda qeyd edəcəyimiz üsullar nəinki bel və qarın piylərini əritmək barədə effektiv olacaq, həmçinin bədəninizin digər bölgələrində olan yağlanmanın da həm qarşısını alacaq, həm də artıq piylərinizi əridərək sizə istədiyiniz bədən quruluşunu bəxş edəcək. Bura qədər hərşey qaydasındadırsa keçək üsullara.
1) Yüksək zülallı (proteinli) və aşağı karbohidratlı qidalardan istifadə edin.
Hərkəs bilir ki, əgər yağ yandırmaq, arıqlamaq istəyiriksə yüksək zülallı qidalar yeməliyik. Yüksək zülallı qidalar yemək əzələlərinizin daha çox qidalandırıb inkişaf etdirəcək. İnkişaf etmiş və sürətli işləyən əzələlər birbaşa maddələr mübadiləsinin sürətlənməsinə təsir edəcəkdir. Maddələr mübadiləsinin sürətlənməsi isə sizin yağ yandırmaq prossesinizi daha da sürətləndirir.
Paralel olaraq da bədəninizdə yağa çevriləcək qidaları rasionunuzda azaltmağınız lazımdır. Bədəndə istifadə edilmədikdə ən sürətli yağ kimi depolanan qidalar karbohidrat mənbəli qidalardır. Əgər siz düyü, makaron, çörək, bulqur kimi yüksək karbohdirat tərkibə malik olan qidaları normadan çox yesəniz həmin qidalar sizə depolanan yağ olaraq geri dönəcəkdir əlavə olaraq da yağ yandırma prosesini ləngidəcəkdir. Həmin qidalardan tamamilə uzaqlaşın demirəm, çünki qeyd etdiyimiz qidaların içərisində bədənimiz üçün faydalı olanları da var, sadəcə yağ yandırmaq üçün dieta etdiyiniz zaman həmin qidaların miqdarını günlük rasionunuzda azaldın. Bu qidaları rasionunuzda azaltığınız zaman həm yağ yandıraraq bədəninizdə olan artıq piylərdən qurtulacaqsınız, həm çəkiniz azalacaq, həm də maddələr mübadiləniz sürətlənəcək.
Qeyd etdiyim qidaların normadan çox yeyilməsi yağ kimi depolanmadan əlavə tərkibində olan qluten səbəbindən bağırsaqlarda ödəm tutub qarnınızın daha da şişməsinə səbəb olur.
Tətbiq edin və əmin olun ki, faydasını qısa müddətdə görəcəksiniz.
Əlavə olaraq da bildirim ki, günlük zülal norması kişilər üçün kiloqram başına 1.5 gr, qadınlarda isə 1.2 gr-dır.
2) Tərkibində şəkər olan, tərkibi dəyişdirilmiş qidalardan uzaq durmağa çalışın.
Burada demək istədiyim tərkibində şəkər olan qidalardan - şirniyyat, qazlı içkilər, və s. çalışdığınız qədər uzaq durmağınızdır. Tərkibi dəyişdirilmiş qidalar isə mağaza rəflərində satılan paketlənmiş qidalardır. Çünki həmin məhsulların uzun müddət xarab olmadan qalması üçün tərkibi dəyişdirilir. Yəni tərkibinə əlavə kimyəvi maddələr qatılır, bu isə bizim orqanizmimiz üçün ciddi təhlükə mənbəyidir.
3) Gün ərzində 1 dəfə ağartı məhsulu (əsasən də qatıq) yeməyə çalışın.
Ağartı məhsullarının tərkibində kalium və protein olması səbəbindən həm günlük zülal ehtiyacınızın bir hissəsini qarşılacaqdır, əlavə olaraq da sümük və oynaqlarınız üçün faydalı olacaqdır. Bəzi araşdırmalarda ağartı məhsullarının tərkibində olan kalsiumun lipaz enzimini aktiv etməsi səbəbindən yağ yandırma prossesini sürətləndirdiyi göstərilmişdir. Bu səbəbdən də günlük qida rasionunuza ağartı məhsullarını əlavə etməyiniz qarın əritmə prosesini, ümumilikdə yağ yandırma prosesini sürətləndirəcəkdir.
Ağartı məhsulları içərisində mənim ən məsləhət gördüyüm evdə hazırlayacağınız qatıq, pendir məhsullarıdır. Qatıq yemək sizin qan şəkər səviyyənizi tənzimləyərək daha gec acmanıza, daha az şirniyyat istəməyinizə səbəb olacadır. Əgər şirniyyat asılılığınız varsa Şirniyyatı tərgitməyin yolları yazımızda şirniyyat asılılığından necə qurtulacağınız barədə oxuya bilərsiniz.
Əgər ağartı məhsullarını evdə hazırlamaq imkanınız yoxdursa az yağlı qatıqlardan alıb istifadə edə bilərsiniz. Light qatıqlardan istifadə etməyinizi məsləhət görmürəm.
4) Günlük qida rasionunuza yüksək lif tərkibli qidalar əlavə edin
Bol lifli qidalar dedikdə hamımızın bildiyi kimi meyvə, tərəvəz tərkibli qidalar və salatlar nəzərdə tutulur. Əlavə olaraq da paxlalı qidalar lif tərkibi zəngin olan qidalar sırasındadır. Yüksək lifli qidalar bədəndə daha gec həzm olur, dolayı yolla bədənimiz həmin qidaları həzm etmək üçün əlavə enerji istifadə edir. Bu da sizin yağ yandırmaq prossesinizə müsbət təsir edir. Lifli qidaların gec həzm olunması səbəbindən uzun müddət tox hiss edərək lazımsız yerə qida qəbul etmək istəyimiz olmayacaqdır. Bu səbəbdən də günlük qida rasionumuzda heç olmasa 2 dəfə yeməyinizin yanında salat,göyrti yeyin və ya yüksək lifli qidalar yeyin.
5) Gün ərzində 2 litrdən çox su için (1 litri darçınlı olsa lap əla)
Günlük su normasını qarşılayan şəxslərin qarşılamayan şəxslə müqayisədə maddələr mübadiləsi 5% daha sürətli olaraq çalışması haqqında araşdırmalar mövcuddur. Əlavə olaraq da günlük su normanızı qarşılamasanız bədəniniz məcbur olub günlük yediyiniz qidaların, içdiyiniz şirin, qazlı suların, çay kofelərin tərkibində olan mayeni saxlayacaq. Yəni bədənəniz su saxlayacaq. Bu isə sizin tərəzidə daha ağır gəlməyinizə əlavə olaraq da bədəninizin müxtəlif bölgələrində şişkinliklər yaranmasına səbəb olacaq.
Suyunuzun bir hissəsinin darçınlı olması isə qan şəkəri səvviyənizi tənzimləyərək həm şirniyyat istəyinizin qarşısını alacaq, həm də daha gec aclıq hissinizin yaranmasına səbəb olacaq. 1 litr suyun içərisinə 1 çubuq darçın kifayət edəcəkdir.
6) Pəhrizinizi idmanla dəstəkləyin
Sizələrə idman zallarına gedin saatlarla idman edin demirəm, sadəcə əvvəlki dövrlə müqayisədə daha hərəkətli və aktiv həyat tərzinə keçid edə bilərsiniz. Məsələn gündəlik 30-50 də yeriyə bilərsiniz. Bəs niyə idman etdikdə yağ yandırmaq prossesi sürətlənir? Cavab çox bəsitdir.
İdman etdikdə maddələr mübadiləsi sürətləndiyi üçün yağ yandırmaq prossesimiz də sürətlənir. Bu da istəmədiyimiz bölgələrdə olan yağların əriməsi sürətini artırır.
Qan şəkərimizin səviyyəsi nizamlanmağa başlayır. Qan şəkərimiz nizamlandıqca insulin səviyyəsi də aşağı düşməyə başlayır. İnsulin anabolik hormondur. Yəni bədəndə yağların depolanmasında əsas iştirakçılardan biri də insulin hormonudur. Yəni biz insulin səviyyəmizi aşağı nizama saldıqda bədənimiz yağ depolama etapını dayandırmış olacaq əlavə olaraq da sağlam qidalanmamızla bədən yağ yandırma fazasına keçid etmiş olacaq. Bu səbəbdən də pəhrizinizi idmanla dəstəkləmək qarın və bel bölgəsində olan yağları yandırmaq üçün əsas köməkçilərimizdən digəridir.
7) Sağlam qidalanmanı həyat tərziniz halına gətirin
Bu maddəni yəqin ki, bir çox şəxsdən eşitmisiniz. Eşitməyiniz normaldır çünki doğrudur və mən də vurğulamaq istədim. Öyrəndiyiniz şeyləri, sağlam qidalanmanı yaşam tərzi halına gətirin. Hamımız eşidirik ətrafımızdan "mən çörək yeməyəcəm” əsas önəmli olan bunu ömür boyu edəcək olmasıdır. Çox zaman dietoloqa gedilir, bir çox şey öyrənilir, hətta 20, 30,40 kilo çəki də atılır, amma daha sonra öyrəndiklərimizin üzərindən xətt çəkib əvvəlki həyat tərzimizə qayıdırıq. Bu da bizi qısa müddətdə köhnə çəkimizə qaytarır. Unutmayaq hal-hazırda olan çəkimizin səbəbi mövcud qidalanma formamızdır. Biz bir müddət sağlam qidalanaraq, bəzi qidalardan imtina edərək çəki atsaq belə əvvəlki qidalanma formasına qayıtdıqda çəkimiz yenə əvvəlki formasına qayıdacaqdır. Önəmli olan sağldam qidalanma həyatınızın 70-80%-in də tətbiq etməkdir. Geriyə qalan 20-30%-in də isə istədiyiniz şeyləri yeyə bilərsiniz. Yəni həftənin 1-2 günü istədiyinizi yeyin, amma digər günlər isə sağlam qidalanmanı yaşam tərzi halına gətirin. Belə olduqda artıq çəki ilə, hər-hansı bölgədə yağlanma problemi ilə qarşılaşmayacaqsınız.
Qarın yağlarını əritmək üçün bir neçə elmi əsaslı metodu sizinlə bölüşdüm. Əgər yenə mənə kömək edən lazımdır, bunu tək başıma edə bilmərəm, üzərimdə nəzarət olmalıdır, qida planı tərtib edilməlidir deyirsinizsə əlaqə bölməmiz vasitəsilə mənimlə əlaqə saxlayaraq istəmədiyiniz çəkilərdən mənimlə qısa zamanda qurtula, qalıcı və sağlam yolla çəki ata bilərsiniz.