Çəki atmaq istəyirəm. Nə edim?

Çəki atmaq istəyirəm. Nə edim?

Şirzad İsmayılov
02.22.2021
1 095 dəfə oxundu

 
Çəki atmaq üçün bilməli olduğunuz bir neçə vacib nüans var. Gəlin birlikdə bu nüansları nəzərdən keçirək.

Ən birinci və ən vacib məsələ düzgün qidalanma üsulunu tapmaq!
Bu mövzuda qarşılaşacağınız bir çox fikir var. Bu fikirlər o qədər müxtəlifdir ki, hətta meyvə satan  Əhməd əmidən "elə yox belə yeməlisən” kimi məsləhət ala bilərsiniz. Belə bir vəziyətdə yaşadığınız qərarsızlıqları və çətinlikləri  əlbəttə ki,  başa düşürəm. Bu kimi çətinliklərin öhdəsindən gəlmək üçün başlıca olaraq  sistematik şəkildə yeməyi öyrənmək lazımdır. Yəni planlı qidalanmaq…

Düzgün çəki atmağı öyrənmək üçün ilk addımı ataq və vacib bir neçə məqamı sizin üçün sadalayım.

Əvvəla, düzgün çəki atımında ən vacib şey davamlılıqdır. Çünki bir çox araşdırma gündəlik, həftəlik, aylıq olaraq həyata keçirilən və sürətli kilo itkisinə yönəlmiş bir çox sistemin uğurlu olmadığını göstərir. Bunun yeganə səbəbi, sözügedən müddət bitdikdən sonra insanların bu müddətdən sonra çəki atmağı dayandırmasıdır.

Nəticədə, qidalanma proqramı kimi təbliğ olunan bir çox "şey” əslində işgəncə proqramlarından fərqlənmir.

Əgər davamlılıq məsələsini qəbul etdinizsə, diqqət yetirməli olduğunuz ikinci  məsələ arıqlama proqramı tamamilə sağlamdır?!

 Əgər bir qidalanma proqramı sizə istədiyiniz hər şeyi yeməyi vəd edirsə  deməli böyük bir oyundasınız. Çünki bəzi qidalar qətiyyən sağlam deyil. Bu səbəbdən ikinci və ən vacib məsələlərdən biri proqramın sizə sağlam qidalanma vəd etməsi çox önəmlidir.

Bəs sağlam qidalanmaq nədir?

İnsan orqanizmindəki gündəlik funksiyalar üçün qida maddələrinə ehtiyac var. İstehlak olunan qidalar bədəndəki fiziki fəaliyyət və bioloji funksiyalar üçün tələb olunan enerji mənbəyini təşkil edir. Yediyimiz qidalarda üç əsas qida elementi var. Bunlar karbohidratlar, zülallar və yağlardır. Makroelementlər adlanan bu üç əsas qrupa əlavə olaraq mikroelementlər olan vitaminlər və minerallar, qidalarla birlikdə bədənə alınan digər komponentlər də daxildir. Həzm, tənəffüs, ifrazat, tənəffüs, qan dövranı, sinir, skelet və əzələ sistemlərinin rahat işləməsi, hormonların və bədən ifrazatlarının sağlam istehsalı üçün vitamin və minerallara olan tələbləri tam ödəmək çox vacibdir. Bundan əlavə, yalnız həzm sistemi ilə birlikdə bədəndəki bir çox sistemin nizamını qorumaq üçün sağlam və balanslı bir qida planı tətbiq etmək vacibdir. Sağlam qidalanma, insana ən əsas mənada lazım olan miqdarda bütün makro və mikroelementləri özündə cəmləyən və eyni zamanda bədənin tələb etdiyi enerji miqdarına cavab verən və ideal çəkini saxlamaq üçün uyğun qidalanma növüdür. Hər fərdin bədən quruluşu, yaşı, cinsi və sağlamlıq vəziyyəti bir-birindən fərqli olduğu üçün, sağlam qida proqramı olaraq təyin edilə bilən xüsusi bir siyahı yoxdur. Ona görə də sağlam qida planı peşəkar insan  tərəfindən fərdi olaraq hazırlanmalıdır.

Bu iki xüsusiyyəti özündə cəmləşdirən bir qidalanma proqramı görmüsünüzsə, onu həyata keçirmək üçün bu barədə ciddi düşünün. 
 
Deməli, bizə birinci lazımdır proqram davamlı olsun.
İkinci və eyni dərəcədə vacib olan məsələ proqram sağlam qidalanmaq üzrə olsun.
İndi isə bizə lazım olan yeganə şey bunu cədvələ salmaq və arıqlamağa #başlamaqdır.
Bəli hər zaman əsas olan #başlamaqdır.
Sağlam arıqlamaq və bu prosesdə davamlılığı və sağlamlığını qorumaq üçün başlatdığımız proqrama qoşulmaq üçün mənimlə əlaqə saxlayın.
Başlayın ki, yarımçıq qalmayın!